Սթրեսը՝ մազաթափության պատճառ. 1in.am

Գիտնականները հայտնաբերել են, որ հաճախակի սթրեսները ո'չ միայն բացասաբար են ազդում նյարդային համակարգի գործունեության վրա, այլ նաև ազդում են մարդու արտաքինի վրա: Նրանք պարզել են, որ հաճախակի ընկճախտերից և սթրեսներից մարդկանց մազերը թափվում են և դեմքերին բշտիկներ են գոյանում: Այս մասին հայտնում է gogetnews.info-ն:

Ամերիկացի գիտնականների հետազոտությանը մասնակցել են ավելի քան 500 ուսանող: Սթրեսակայունության մակարդակով նրանց բաժանել են 3 խմբի: Վերջին խմբում եղել են սթրեսի և ընկճախտի նկատմամբ ավելի շատ հակում ունեցողները:

Ուսումնասիրությունների ընթացքում գիտնականները նկատել են, որ կյանքի բացասական երևույթներն առավել էմոցիոնալ և դժվար տանելը վնասում է ո՛չ միայն օրգանիզմի ներքին վիճակին, այլ նաև զգացվում է մարդու արտաքինի վրա: Երրորդ խմբի մասնակիցների մոտ նկատվել են ավելի հաճախակի մազաթափություն և բշտիկներ:

Հարցեր, պատասխաններ, մեկնաբանություններ